Ms. Atsedwein Bekele, who was a resident of Geneva for many decades, donated “Zmamenesh Tower” worth more than 500 million birr to Bahir Dar University.

ለብዙ አስርት አመታት በጄኔቫ ነዋሪ የነበሩት ወይዘሮ አፀደወይን በቀለ ለባሕር ዳር ዩኒቨርሲቲ ከ500 ሚሊዮን ብር በላይ የሚገመተው “ዝማምነሽ ታወር” አበረከቱ

Originally published on Ethiopian Broadcasting Corporation
ባሕር ዳር ዩኒቨርሲቲ ከ500 ሚሊዮን ብር በላይ የሚገመተው “ዝማምነሽ ታወር” ከወይዘሮ አፀደወይን በቀለ በሥጦታ ተበረከተለት

*********************

ዩኒቨርሲቲው የ60ኛ ዓመት ክብረ በዓሉን ሲያከብር ሕዝቡ ተቋሙን ለመደገፍ ትብበር ሊያደርግ እንደሚገባ ያስተላለፈውን መልዕክት ምክንያት በማድረግ የተለያዩ ማኅበረሰብ ክፍሎች ድጋፋቸውን እያበረከቱለት ነው።

ከደጋፊዎቹ መካከል ደግሞ ወይዘሮ አፀደወይን በቀለ እና ቤተሰቦቻቸው ቀዳሚዎቹ ናቸው።

በባሕር ዳር ከተማ ተወልደው ያደጉት ወይዘሮ አፀደወይን በቀለ በባሕር ዳር ከተማ የሚገኘውን እና ከእናታቸው ወይዘሮ ዝማምነሽ ወልደየሱስ በውርስ ያገኙትን ከ500 ሚሊዮን ብር በላይ የሚገመተውን ዙማምነሽ ታወር ለባሕር ዳር ዩኒቨርሲቲ በስጦታ አበርክተዋል።

ስጦታውን ለመስጠት ያነሣሣቸውም ባሕር ዳር ዩኒቨርሲቲ በጤናው ዘርፍ የሚሰጠውን አገልግሎት ለመደገፍ መሆኑን የወይዘሮ አፀደወይን ቤተሰቦች ተናግረዋል።

ስጦታውን የተረከቡት የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ፣ ዩኒቨርሲቲው ትልቅ ኃላፊነት እንዳለበት በመገንዘብ ነው ብለዋል።

ማኅበረሰቡ ያለውን ሃብት ለሕዝብ አገልግሎት ለሚሰጡ ተቋማት በማካፈል ተቋማት ሰፊ አገልግሎት እንዲሰጡ መደገፍ እንዳለበትም አሳስበዋል።

ለሀገር እና ለወገን ተጠቃሚነት በሚደረገው የልማት ሥራ ከወይዘሮ አፀደወይን ቤተሰብ ትምህርት በመውሰድ ሁሉም ትብብሩን አጠናክሮ ሊቀጥል እንደሚገባ የዩኒቨርሲቲው ፕሬዚዳንት ዶክተር ፍሬው ተገኘ መጥቀሳቸውን ከዩኒቨርሲቲው የተገኘው መረጃ ያመለክታል።

ባሕር ዳር ዩኒቨርሲቲ በስጦታ የተበረከተለት ዝማምነሽ ታወር በባሕር ዳር ከተማ ጊዮርጊስ አካባቢ አወርስ ካፌ /አወርስ ገስት ሐውስ/ እንዲሁም የተለዩ መሰል የቢዝነስ ማዕከልነት በማገልገል ላይ የሚገኘው ሕንፃ ነው።

ባሕር ዳር ዩኒቨርሲቲ በ2015 ዓ.ም በደማቅ ሥነ-ስርዓት ያከበረውን የ60ኛ ዓመት ክብረ በዓሉን በማስመልከት በባሕር ዳር ከተማ በኅብረተሰብ ተሳትፎ ሊሠሩ የሚችሉ 7 ፕሮጀክቶችን ለሕዝብ ማስተዋወቁ ይታወሳል።